મુત્યુ પછી 13 દિવસ સુધી પોતાના ઘરમાં રહે છે આત્મા

પિંડદાન પછી આત્મા યમલોકમાં જાય છે, જાણો આત્માની ગતિ વિશેની અજાણી વાતો.

ગરુડ પુરાણમાં જન્મથી લઈને મૃત્યુ સુધી અને ત્યાર પછી આત્માની યાત્રાની ઘણી વાતો કહેવામાં આવી છે. તે એવા રહસ્યો ખોલે છે, જેના વિશે જાણવાની ઉત્સુકતા ઘણા લોકોના મનમાં રહે છે. આટલું જ નહીં, ગરુડ પુરાણમાં મૃત્યુ સંબંધિત સંસ્કારને લઈને પણ ઘણા નિયમો આપવામાં આવ્યા છે, જેનું પાલન કરવાથી મૃતકની આત્માને શાંતિ મળે છે, તેને સારી ગતિ મળે છે. બીજી તરફ પૂર્વજોના આશીર્વાદથી વ્યક્તિના પરિવારમાં ઘણી પ્રગતિ, સુખ અને સમૃદ્ધિ મળે છે.

મૃત્યુ પછી આત્મા ઘરમાં રહે છે :

ગરુડ પુરાણ અનુસાર, મૃત્યુ પછી માનવ શરીરની આત્મા 13 દિવસ સુધી પોતાના ઘરમાં જ રહે છે. એટલા માટે મૃત્યુ પછી 13 દિવસ સુધી ઘણા સંસ્કાર કરવામાં આવે છે. મૃતકના આત્મા માટે દરરોજ ભોજન કાઢવામાં આવે છે. આ પછી, તેરમાની વિધિ કરવામાં આવે છે. પિંડદાન થાય છે. હકીકતમાં મૃત્યુ પછી, યમદૂત તરત જ આત્માને તેમની સાથે યમલોક લઈ જાય છે. જ્યાં તેના કર્મોનો હિસાબ કરવામાં આવે છે અને પછી 24 કલાક પછી આત્મા ફરીથી તેના ઘરે પાછી આવે છે.

તેની પાછળનું કારણ તેના પરિવાર પ્રત્યેનો તેનો મોહ હોય છે. અહીં આત્મા પોતાના સ્વજનો વચ્ચે ભટકતી રહે છે, તેમને બોલાવતી રહે છે. પરંતુ જ્યારે પરિવારજનો તેનો અવાજ સાંભળતા નથી ત્યારે તે બેચેન થઈ જાય છે. તેના મૃતદેહનો અંતિમ સંસ્કાર કરવામાં આવ્યો હોવાથી તે તેના જૂના શરીર પ્રવેશ કરી શકતી નથી.

આ દરમિયાન આત્મા એટલી નબળી પડી જાય છે કે તે ક્યાંય યાત્રા કરી શકવામાં અસમર્થ હોય છે. પછી પરિવારના સભ્યો પિંડદાન કરે છે. તેરમા દિવસે જરૂરી સંસ્કાર કરવામાં આવે છે, જેનાથી આત્માને શક્તિ મળે છે અને તે યમલોકની યાત્રા કરે છે. આટલું જ નહીં પિંડદાન સમયે આપવામાં આવેલ ભોજન આત્માને એક વર્ષ સુધી શક્તિ આપતું રહે છે. એટલા માટે પિંડદાન ખૂબ જ મહત્વપૂર્ણ માનવામાં આવે છે.

બીજી બાજુ, જે આત્માઓ માટે પિંડદાન કરવામાં આવતું નથી, તેઓને યમદૂત 13 મા દિવસે યમલોક તરફ ખેંચી જાય છે. જેના કારણે મૃતકની આત્માને ઘણું કષ્ટ સહન કરવું પડે છે. બીજી તરફ, જેમના કર્મો ખરાબ રહે છે, તેમની આત્માને પણ ઘણું કષ્ટ થાય છે.

(ડિસ્ક્લેમર : અહીં આપેલી માહિતી માત્ર માન્યતાઓ અને જાણકારીઓ પર આધારિત છે. અમે તેની પુષ્ટિ કરતા નથી. અત્રે એ ઉલ્લેખ કરવો જરૂરી છે કે અમે કોઈપણ પ્રકારની માન્યતા, જાણકારીને સમર્થન આપતા નથી.)